අපේ ලමයි බලන් ඉද්දීම, ලොකු වෙන නිසා සමහර වෙලාවට අපිට අමතක වෙනවා මේකා දැන් යමක් කමක් දන්නවා කියලා. ලොක්කාගේ වයස අවුරුදු 05ක් වුනත් තාම මට ඒක ඒ විදියට නොදැනෙන වෙලාවල් තියෙනවා. ජානකී සූරිය ආරච්චි ගේ පොත්වලට අපේ හාදයාත් බොහොම මනාපයි. ඉතින් සමහර පොත් අරන් දෙනවා. ඒ අතරේ සමහර ඒවා වෙබ් එකෙන් බාගත කරගෙන කොම්පීතරෙන් පෙන්නනවා. අදත් ඔන්න මේ විදියට එකක් මම කියලා දෙනවා. කථාව තමයි පිටසක්වල කුමාරයා.

උපුටා ගැනීම ඉහත සබැඳියෙනි.

“බිනර මේ තරම් අහසට ආස නිසා එයාගේ ලොකු මාමා එයාට උපන් දිනයට දුරේක්ෂයක් ගෙනත් දුන්නා”.

“ඒ මොකක්ද තාත්තේ දුරේක්ෂය කියන්නේ?” මේකා අහපි.

“ඒ කියන්නේ ඈත තියෙන දේවල් ලොකු කරලා බලන්න පුලුවන්…” අරහෙම මෙහෙම විස්තර කියලා අන්තිමට කිව්වා.  “මේ පින්තූරේ තියෙන විදිහේ එකකට” කියලා.

ඔක්කොම අහගෙන ඉඳලා ඒ පාර මේකා අහපි  “ඒ කියන්නේ ටෙලෙස්කෝප් එකක් වගේ එකක්ද?” කියලා.

Advertisements